Kabhie, kuch aur karke bhi dekho!

Gut gut ke jine mein kya rakha hai,
kabhie khulkar sans leke bhi dekho,
Kaid rehkar rehne mein kya rakha hai,
kabhie bandishein todkar bhi dekho,
Baarish ki pehli rim jhim mein bheegkar dekho, Doston ke saath gulchaare uddakar bhi toh dekho.

Har waqt kaam mein kya rakha hai,
kabhie masti mein rehkar bhi dekho,
Har baar jitne mein kya rakha hai,
kabhie haarkar, haar ka maza bhi lekar toh dekho,
Dhoop mein khud ke parchai ke peeche bhaagkar bhi toh dekho,
Kisi ka pyar se haath thamkar bhi toh dekho.

Har waqt nafrat mein kya rakha hai,
Kabhie pyar bhi karke dekho,
Dushmani mein kya rakha hai,
kabhie dushman ko dost banakar bhi toh dekho,
Papa ki ungli pakadkar chalna seekha,
jawani mein unko sahara dekar toh dekho, Zindagi mein chotti chotti cheezon se khushiyan paakar bhi toh dekho.

Har waqt amir banne ke piche padhe rehne mein kya rakha hai,
Kabhie garib bankar bhi toh dekho,
Hamesha sahi hone mein kya rakha hai,
Kabhie galti karke bhi dekho,
Kabhie hotel ki jagha par khake bhi dekho, Kabhie bottle ki jagha kuen se paani peekar bhi toh dekho.

Kabhie apne dil ki sunkar bhi dekho!